Leviticus 18:1 ουοϩ α `πϭοις ςαϫι νεμ μωυςης εϥϫω `μμος

Leviticus 18:2 ϫε ςαϫι νεμ νενϣηρι `μπιςραηλ ουοϩ εκεϫος νωου ϫε ανοκ πε `πϭοις πετεννουϯ

Leviticus 18:3 `ννετενιρι κατα νιμετατςβω `ντε `πκαϩι `νχημι φαι εταρετενερρεμνϫωιλι νϧητϥ ουοϩ `ννετενιρι κατα νιμετατςβω `ντε `πκαϩι `νχανααν φαι ανοκ εϯναεν θηνου εϧουν εροϥ ουοϩ `ννετενμοϣι νςα `νουνομιμον

Leviticus 18:4 ουοϩ ναϩαπ ερετενεαιτου ουοϩ ναουαϩςαϩνι ερετενεαρεϩ ερωου ουοϩ μοϣι νϧρηι νϧητου ανοκ πε `πϭοις πετεννουϯ

Leviticus 18:5 ουοϩ ερετενεαρεϩ εναουαϩςαϩνι τηρου νεμ ναϩαπ τηρου ουοϩ ερετενεαιτου ναι ετε `φρωμι νααιτου εϥεωνϧ νϧητου ανοκ πε `πϭοις πετεννουϯ

Leviticus 18:6 `φρωμι `φρωμι `ννεϥτομϥ εενχαι νιβεν ετηπ ετεϥςαρξ εβωϣ ννουϣιπι εβολ ανοκ `πϭοις

Leviticus 18:7 ουϣιπι `ντε πεκιωτ νεμ ουϣιπι `ντε τεκμαυ `ννεκϭορπϥ εβολ τεκμαυ γαρ τε `ννεκϭωρπ `μπεςϣιπι εβολ

Leviticus 18:8 `πϣιπι `ντε `τ`ςϩιμι `μπεκιωτ `ννεκϭορπϥ εβολ ουϣιπι γαρ πε `ντε πεκιωτ

Leviticus 18:9 `ννεκϭωρπ εβολ `μπϣιπι `ντε τεκςωνι `νϣενιωτ ιε `νϣενμαυ εαυμαςς νϧουν ιε ουμαςς μβολ `ννεκϭωρπ `μπουϣιπι εβολ

Leviticus 18:10 ουϣιπι `ντε τϣερι `νουϣηρι ντακ ιε τϣερι `νουϣερι `ννεκϭορπϥ εβολ ϫε ουηι γαρ ουϣιπι ντακ πε

Leviticus 18:11 ουϣιπι `ντε τϣερι ντςϩιμι `μπεκιωτ `ννεκϭορπϥ εβολ τεκςωνι γαρ `νϣενιωτ τε `ννεκϭωρπ `μπεςϣιπι εβολ

Leviticus 18:12 ουϣιπι `ντε τςωνι `μπεκιωτ `ννεκϭορπϥ εβολ ουρεμνηι γαρ `ντε πεκιωτ τε

Leviticus 18:13 ουϣιπι `ντε τςωνι `ντεκμαυ `ννεκϭορπϥ εβολ ουρεμνηι γαρ `ντε τεκμαυ τε

Leviticus 18:14 ουϣιπι `ντε πςον `μπεκιωτ `ννεκϭορπϥ εβολ `ννεκϣε εϧουν ϩα τεϥςϩιμι ουςυγγενης ντακ τε

Leviticus 18:15 ουϣιπι `ντε ουϣελετ ντακ `ννεκϭορπϥ εβολ ουςϩιμι `ντε πεκϣηρι τε `ννεκϭωρπ `μπεςϣιπι εβολ

Leviticus 18:16 ουϣιπι `ντε `τ`ςϩιμι `μπεκςον `ννεκϭορπϥ εβολ ουϣιπι γαρ πε `ντε πεκςον

Leviticus 18:17 `ννεκϭωρπ εβολ `μπϣιπι `ντε ουςϩιμι νεμ ουϣερι ντας `ννεκϭι ντϣερι `ντε πεςϣηρι νεμ τϣερι `ντε τεςϣερι επϭωρπ `μπουϣιπι εβολ ϩανρεμϧενηι γαρ ντακ νε ουμεταςεβης τε

Leviticus 18:18 `ννεκϭι `νουςϩιμι εϫεν τεςςωνι ες ουβης ϧεν ουχοϩ εϭωρπ `μπεςϣιπι εβολ εϩρηι εϫως

Leviticus 18:19 ουοϩ `ννεκϣενακ εϧουν ϩα ουςϩιμι εαυουοτς εβολ ες ϧεν πεςϭωϧεμ εϭωρπ `μπεςϣιπι εβολ

Leviticus 18:20 ουοϩ `ννεκϯ `νουϣαιρι `ντε ουϫροϫ ντακ ϧεν ϯ`ςϩιμι `μπεκϣφηρ ϩωςδε εϭωϧεμ νϧητς

Leviticus 18:21 ουοϩ `ννεκϯ εβολ ϧεν πεκϫροϫ εθρεϥϣεμϣι `νουαρχων ουοϩ `ννεκςωϥ `μπιραν εθουαβ ανοκ πε `πϭοις

Leviticus 18:22 `ννεκενκοτ νεμ ϩωουτ εουϣαιρι `ντε ουςϩιμι ουςωϥ γαρ πε

Leviticus 18:23 ουοϩ `ννεκϯ `ντεκϣαιρι νεμ ϥτεφατ νιβεν εϯϫροϫ `ντεκϭωϧεμ ϧαροϥ ουοϩ ουςϩιμι `ννεςοϩι ερατς ϧατεν ϥτεφατ νιβεν `ντεϥαληι εϫως ουωρεβ γαρ πε

Leviticus 18:24 `μπερςωϥ ϧεν ναι τηρου αυςωϥ γαρ ϧεν ναι τηρου `νϫε νιεθνος νη εϯναϩιτου εβολ ϧατϩη `μπετενϩο

Leviticus 18:25 ουοϩ α `πκαϩι ςωϥ εμαϣω ουοϩ εθβητϥ αιϯϣεβιω νωου ννουαδικια ουοϩ α `πκαϩι ϩροϣ εϫεν νη ετϩεμςι ϩιϫωϥ

Leviticus 18:26 ουοϩ αρεϩ ενανομιμον τηρου νεμ ναουαϩςαϩνι τηρου ουοϩ `ννετενιρι εβολ ϧεν ναιωρεβ τηρου ιτε πιρεμνϯμι ιτε πιϣεμμο εταϥϣοπ ϧεν θηνου

Leviticus 18:27 ναιωρεβ γαρ τηρου αυαιτου `νϫε νιρωμι `ντε πικαϩι νη εναυ ϧαϫωτεν ουοϩ `ντε `πκαϩι ςωϥ

Leviticus 18:28 ουοϩ ϩινα `ντεϣτεμ πικαϩι ϩροϣ εϫεν θηνου ουοϩ `ντεϥμεςτε θηνου ϧεν `πϫινθρετενςοϥϥ ` μ`φρηϯ εταϥϩροϣ εϫεν νιεθνος εναυ ϧαϫωτεν

Leviticus 18:29 ϫε φη νιβεν ετναιρι εβολ ϧεν ναιςωϥ ευεϥωϯ εβολ `νϫε νιψυχη ετναιρι νναι εβολ ϧεν θμηϯ `μπουλαος

Leviticus 18:30 ουοϩ αρεϩ εναουαϩςαϩνι ϩοπως `ντετενϣτεμιρι εβολ ϧεν νινομιμον τηρου ετορεβ ναι εταυϣωπι μμαυ ϧαϫωτεν ουοϩ `ννετενϭωϧεμ νϧητου ϫε ανοκ πε `πϭοις πετεννουϯ